वरियताक्रममा विदेशी राजदूत भन्दा अाइजीपी पछाडी

मातृका दाहाल, काठमाडाैं, १९ माघ

सरकारले हालै सार्वजनिक गरेको राष्ट्रका पदाधिकारी तथा कर्मचारीको मर्यादा निर्धारणमा पनि विभेद देखिएको छ । एकात्मक मुलुक हुँदाके मर्यादा निर्धारणलार्इ संसोधन गर्दै तयार पारिएको नयाँ विवरणमा पनि कतिपय कर्मचारीको हैसियतलार्इ खुम्च्याइएको छ ।  गृह मन्त्रालय अन्तर्गतका सुरक्षा निकायका प्रमुख प्रहरी महानिरीक्षक, सशस्त्र प्रहरी महानिरीक्षक र अनुसन्धान विभागका प्रमुखहरू  सरकारी सेवाका अन्य विशिष्ठ श्रेणीका कर्मचारीको मर्यादाक्रमभन्दा तल राखिएको छ । त्यतिमात्रै होइन, नेपाल स्थित विदेशी राजदूत भन्दा पनि अइजीपीहरूको मर्यादाक्रम तल पारिएको छ ।

जबकी अाइजीपी यसअघि सचिवको मर्यादाक्रमँगै हुन्थे । नयाँ मर्यादाक्रममा राष्ट्रपति देखि नेपाली सेनाका सहायक सेनानी सुम्म २७ तहमा मर्यादा क्रम निर्धारण गरिएके छ । राष्ट्रपति, उपराष्ट्रपति, प्रधानमन्त्री, प्रधानन्यायाधीश, प्रतिनिधिसभाका सभामुख/राष्ट्रिय सभाका अध्यक्ष र पूर्वराष्ट्रपति/उपप्रधानमन्त्रीलार्इ क्रमशः १ देखि ६ नम्बर सम्म राखिएको छ । 

प्रदेश प्रमुख, केन्द्रीयमन्त्री, मूख्यमन्त्री विपक्षी दलको नेता, उपसभामुख लगायत ७ नम्बरमा परेका छन् भने  मूख्यसचिव र प्रधानसेनापित ९ नम्बरमा अटाएका छन् ।  सचिव लगायत विशिष्ठ श्रेणीका कर्मचारी र नेपाल स्थित विभिन्न मुलुकमा राजदूतहरू ११ र  गृह अन्तर्गतका सुरक्षा निकायका प्रमुख  १२ नम्बरमा परेका छन् । अन्य पदाधिकारी तथा कर्मचारी के कुन वरियतामा परेका छन् ? हेर्नुहोस विस्तृतमा ।

२७ तहमा विभाजित नयाँ मर्यादाक्रम-को कुन मर्यादाक्रममा ? 
१. राष्ट्रपति
२. उपराष्ट्रपति
३. प्रधानमन्त्री
४. प्रधानन्यायाधीश
५. प्रतिनिधिसभाको सभामुख, राष्ट्रिय सभाको अध्यक्ष
६. पूर्वराष्ट्रपति, उपप्रधानमन्त्री
७. प्रदेश प्रमुख, संघीय सरकारको मन्त्री, प्रतिनिधिसभाको विपक्षी दलको नेता, राष्ट्रिय सभाको विपक्षी दलका नेता, पूर्वउपराष्ट्रपति, पूर्वप्रधानमन्त्री, मन्त्रिपरिषद्का पूर्वअध्यक्ष, पूर्वप्रधानन्या
याधीश, प्रतिनिधिसभाका उपसभामुख, राष्ट्रिय सभाका उपाध्यक्ष, प्रदेश सरकारका मुख्यमन्त्री, व्यवस्थापिका–संसद्का पूर्वसभामुख, संविधानसभाका पूर्वअध्यक्ष, प्रतिनिधिसभाका पूर्वसभामुख र राष्ट्रिय सभाका पूर्वअध्यक्ष
८. राज्यमन्त्री, प्रतिनिधिसभा तथा राष्ट्रिय सभाका विभिन्न समितिका सभापति तथा अध्यक्ष, राष्ट्रिय योजना आयोगका उपाध्यक्ष, सर्वोच्च अदालतका न्यायाधीश, न्यायपरिषद्का सदस्य, संवैधानिक निकायका प्रमुख, महान्यायाधिवक्ता, सहायकमन्त्री, प्रतिनिधिसभा तथा राष्ट्रिय सभाका सदस्य, पूर्वउपप्रधानमन्त्री
९. संवैधानिक निकायका सदस्य तथा आयुक्त, नेपाल सरकारका मुख्यसचिव, प्रधानसेनापति, संघीय संसद्का महासचिव, सर्वोच्च अदालतका मुख्य रजिस्ट्रार, उच्च अदालतका मुख्य न्यायाधीश, नेपाल राष्ट्र बैंकका गभर्नर, प्रज्ञा प्रतिष्ठानका कुलपति, विश्वविद्यालयका उपकुलपति।
१०. प्रदेश सभाका सभामुख, प्रदेश सरकारका मन्त्री, राष्ट्रिय योजना आयोगका सदस्य ।
११. नेपाल सरकारका सचिव, नेपाल सरकारका विशिष्ट श्रेणीका अधिकृत, सर्वोच्च अदालतका रजिष्ट्रार, नायब महान्यायाधिवक्ता, उपमहालेखापरीक्षक, प्रदेश सरकारका प्रमुख सचिव, प्रज्ञा प्रतिष्ठानका उपकुलपति, विश्वविद्यालयका प्राध्यापक, नेपालस्थित विदेशी राजदूत, सार्कका महासचिव, नेपाली राजदूत ।
१२. रथी, प्रहरी महानिरीक्षक, सशस्त्र प्रहरी महानिरीक्षक, मुख्य अनुसन्धान निर्देशक ९राष्ट्रिय अनुसन्धान विभाग०, नेपालस्थित संयुक्त राष्ट्रसंघीय विकास कार्यक्रमका आवासीय संयोजक ।
१३. प्रदेश सभाका उपसभामुख, प्रदेश सरकारका राज्यमन्त्री, प्रदेश सभाका विभिन्न समितिका सभापति, उच्च अदालतका न्यायाधीश, प्रदेश लोकसेवा आयोगका अध्यक्ष, मुख्य न्यायाधिवक्ता, पूर्वमन्त्री ।
१४. प्रदेश सरकारका सहायकमन्त्री, प्रदेश सभा सदस्य ।
१५. महानगरपालिकाका प्रमुख, पूर्वराज्यमन्त्री, पूर्वसहायकमन्त्री, संविधानसभा(व्यवस्थापिका संसद (प्रतिनिधिसभा(राष्ट्रिय सभाका पूर्वसदस्य ।
१६ उपरथी, प्रहरी अतिरिक्त महानिरीक्षक, सशस्त्र प्रहरी अतिरिक्त महानिरीक्षक, राष्ट्रिय अनुसन्धान विभागका अतिरिक्त मुख्य अनुसन्धान निर्देशक ।
१७. जिल्ला समन्वय समितिका प्रमुख, प्रदेश लोकसेवा आयोगका सदस्य, प्रदेश न्यायसेवा आयोगका सदस्य
१८. उपमहानगरपालिकाका प्रमुख, महानगरपालिकाका उपप्रमुख, नेपाल सरकारका सहसचिव, महानिर्देशक, उपमहानिर्देशक, राजपत्रांकित प्रथम श्रेणीका अधिकृत, प्रदेश सरकारका सचिव, जिल्ला न्यायाधीश, विश्वविद्यालयका सहप्राध्यापक ।
१९. सहायक रथी, प्रहरी नायब महानिरीक्षक, सशस्त्र प्रहरी नायब महानिरीक्षक, राष्ट्रिय अनुसन्धान विभागका अनुसन्धान निर्देशक, प्रदेश सरकारका राजपत्रांकित प्रथम श्रेणीका अधिकृत, स्थानीय तहका राजपत्रांकित प्रथम श्रेणीका अधिकृत ।
२०. नगरपालिकाका प्रमुख, उपमहानगरपालिकाक
ा उपप्रमुख, नेपालस्थित विदेशी कन्सुलर जनरल, नेपालस्थित अन्य अन्तरसरकारी संस्थाका प्रमुख ।
२१. गाउँपालिकाका अध्यक्ष, नगरपालिकाका उपप्रमुख, महासेनानी, प्रहरी वरिष्ठ उपरीक्षक, सशस्त्र प्रहरी वरिष्ठ उपरीक्षक, राष्ट्रिय अनुसन्धान विभागका सहअनुसन्धान निर्देशक ।
२२. नेपाल सरकारका उपसचिव, निर्देशक, नेपाल सरकारका राजपत्रांकित द्वितीय क्षेणीका अधिकृत, प्रमुख सेनानी, प्रहरी उपरीक्षक, सशस्त्र प्रहरी उपरीक्षक, राष्ट्रिय अनुसन्धान विभागका उपअनुसन्धान निर्देशक, विश्वविद्यालयका उपप्राध्यापक, गाउँपालिकाका उपाध्यक्ष ।
२३. सेनानी, प्रहरी नायव उपरीक्षक, सशस्त्र प्रहरी नायब उपरीक्षक, राष्ट्रिय अनुसन्धान विभागका प्रमुख अनुसन्धान अधिकृत ।
२४. सहसेनानी, नेपाल सरकारका शाखा अधिकृत, राजपत्रांकित तृतीय श्रेणीका अधिकृत, विश्वविद्यायका सहायक प्राध्यापक
२५. उपसेनानी, प्रहरी निरीक्षक, सशस्त्र प्रहरी निरीक्षक, राष्ट्रिय अनुसन्धान विभागका अनुसन्धान अधिकृत ।
२६. प्रदेश सरकारका शाखा अधिकृत, स्थानीय तहका शाखा अधिकृत, प्रदेश सरकार तथा स्थानीय तहका राजपत्रांकित तृतीय श्रेणीका अधिकृत ।
२७. सहायक सेनानी ।